KA KHUBOR SHAPHANG HABA PHIM TIP KUMNO BAN LEH

Ka lah ban dei ka jingpang, ka jingpait jingpra ha iing ha sem, ka jingbankhia, ka jingsngewsih, ka jingkhuslai, ka beh thong ia phi bad phim lah shuh ban ialeh da ka bor ka jinglah jong phi bad phim tip shuh kumno ban leh. Kane ka dei ka jubab na ka bynta jong phi (2 KHRONIKL 20:12 KHB): Ah! U Blei jong ngi, hato men ym bishar ïa ki? namar ngim don bor ban ïaleh ïa une u paid bakhraw uba wan ban ïaleh ïa ngi; lymne ngim tip aïu ngin leh: hynrei, ki khmat jong ngi ki long ha me.” Haba phim donbor ban ialeh ia ki jingeh bad haba phim tip shuh kumno ban leh? Kumno ban shim rai? Shano ban phai? Ha kum kata ka por phai ia la ki khmat jong phi sha ka jingkhraw jong U Blei bad U Blei U don hajan ban pynlait ia phi na ki jingeh bad ki jingialeh jong phi. Jingduwai: Ko Kpa ba ha bneng, Pynkhlaiñ ia ka jingngeit jong nga, pynkynmaw ia nga ia baroh ki jingkular kiba kordor jong Me. Iarap ia nga ba ngan iohi ba wat hapdeng ki jingeh ba Me trei na ka bynta ka jingbha jong nga bad ka jingbha jong kiba ha sawdong jong nga. Ha ka kyrteng jong Me U Jisu, Amen.